特價情報網

Mandy Lieu半裸 陶傑執導情慾片

Mandy Lieu有樣有身材，不過入行十年都係錫身到爆，最多都只係平時見到少少事業線，不過早前佢就預告嚟緊會以內褲上陣拍情慾片。究竟邊個冧得掂Mandy肯大解放呢？原來唔係金剛，係「香江第一才子」陶傑。

Mandy Lieu半裸 陶傑執導情慾片

有報道指上星期六（18日），Mandy同陶傑兩個人出現喺金鐘撐枱腳，一邊飲酒一邊吹水傾足三粒鐘。原來陶傑半年前決定由作家轉為導演，開拍情慾片《愛．尋．迷》，據知陶傑想搵一個樣靚身材正又要有知名度，而且要未拍過情慾戲嘅人拍，所以最後搵咗影壇新人Mandy Lieu。而Mandy今次半裸上陣，據知男主角林德信同關楚耀(Kelvin)都會大解放，不過原來可以同Mandy近距離接觸嘅得美國華籍演員吳國耀一個。而Kelvin就會被安排同54歲嘅余安安玩母子戀，有唔少床戲；另外林德信就會露點演出，同內地女新人有床戰。

Mandy Lieu半裸 陶傑執導情慾片

一開始Mandy聽到情慾片時，一口拒絕拍，之後得知係陶傑手筆，先有信心傾傾。Mandy話：「聽咗個故仔好吸引，有內心戲，信得過陶傑唔會拍得猥瑣。」對於Mandy做女角，陶傑好有信心話：「佢喺英國出世同長大，有樣有修養，好o岩個角色，冇其他人可以代替。」（蘋果日報）

陶傑情慾片 原文: Mandy Lieu半裸 陶傑執導情慾片